Skip to content

test

- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
Морин хуурын чуулгын тоглолт 11 дүгээр сарын 24-ны өдөр Oсака хотод болно PDF Хэвлэх И-мэйл
Бичсэн osaka   
2013 оны 10-р сарын 28, Даваа гариг, 07:19

 

馬 頭琴という楽器が広く日本に知られるきっかけは何と言っても、日本の小学校の2年生の教科書に載っている「スーホーの白い馬」があげられます。それに先立 つこと、今から半世紀前に福音館書店から発行された同名の絵本の貢献も大きいと思います。絵本で50年たっても色あせないのはもう古典の部類に入るといっ てもよいでしょう。

日本の子供たちはその音色を聴いていなくても、楽器を見たことがなくても「馬頭琴」を知っています。

主にその楽器・馬頭琴で編成された楽団がこの「モンゴル国立馬頭琴交響楽団」なのです。

モンゴル国立馬頭琴交響楽団は19927月に、モンゴル国の民主化を受けて設立されました。丸20年の研鑽。モンゴルの夢と誇りを馬頭琴の奏でる音楽で表現してきたことが評価されて2003年にはユネスコの世界文化遺産にも登録されています。

日本モンゴル文化経済交流協会の招待で楽団員全員の来日演奏は今年で10回目となります。

何 と言ってもこのすぐれた楽団の演奏は馬頭琴をはじめ、大琴(コントラバス)、中琴(チェロ)、ヨーチン、笛、ヤタガ(琴)などの全部の楽器が奏でてこそ真 価が発揮できますから、この際日本の皆様にモンゴル民族が愛してやまない楽団の演奏を楽しんでいただけましたら幸いです。言葉が通じなくても音楽がモンゴ ルと日本を親しく結び付けてくれることを願ってご挨拶といたします。

Сүүлд шинэчлэгдсэн: 2013 оны 10-р сарын 28, Даваа гариг, 07:38
 
Итамигийн цэргийн баазад ажиллав PDF Хэвлэх И-мэйл
Бичсэн osaka   
2013 оны 10-р сарын 15, Мягмар гариг, 08:35

Ерөнхий консулын газрын ажилтнууд 10 дугаар сарын 13-ны өдөр Хёого муж дахь Итамигийн цэргийн баазад зохион байгуулагдсан Японы Өөрийгөө хамгаалах хүчин (ӨХХ)-ний Чүбү тойргийн цэргийн анги нэгтгэл үүсэн байгуулагдсаны 53 жилийн ойн баярын арга хэмжээнд оролцов. Уг арга хэмжээг ӨХХ-ний Чүбү тойргийн цэргийн командлал, Осака, Киото болон Хёого мужийн батлан хамгаалах нийгэмлэгээс хамтран зохион байгуулсан болно. Японы парламентын гишүүд, холбогдох муж, хотын удирдлагууд, ДТГ-ын төлөөлөгчид оролцов.

Ойн баярт зориулсан цэргийн ёслолын жагсаалын үеэр Чүбү тойргийн ӨХХ-ний анги салбарууд, нисэх хүчин, артиллер, танк, хуягт техник болон сапёр-инженерийн орчин үеийн байлдааны техник хэрэгсэл, зэр зэвсгийг харуулж, улмаар цэргийн албан хаагчид нь байлдааны үзүүлэх сургуулилтыг хийв. ӨХХ-ний Чүбү тойргийн цэргийн анги нэгтгэл нь Хокүрикү, Тоокай, Кинки, Чүгокү болон Шикокү бүс нутгийн нийт 21 хот, мужийн хил хязгаарыг сахин хамгаалах, байгалийн гамшигийн үед ард иргэдийг аврах, сэргээн босгох хамгаалах үүргийг гүйцэтгэдэг аж.

Осака дахь Монгол Улсын Ерөнхий Консулын газраас Японы цэрэг, батлан хамгаалахын аливаа арга хэмжээнд анх удаа оролцсон нь энэ бөгөөд Монгол Японы хооронд энэ чиглэлийн харилцаа өргөжих хандлагатай байгаа. Монгол Улсад жил бүр зохион байгуулагддаг “Хааны эрэлд” Олон улсын энхийг сахиулах ажиллагааны хамтарсан сургуулилтанд Японы ӨХХ-ний цэргийн албан хаагчид оролцдог бөгөөд Японы Батлан хамгаалахын сайд Ичикава 2012 онд Монголд айлчилж, яамд хоорондын Харилцан ойлголцох санамж бичигт гарын үсэг зурснаар хоёр улсын батлан хамгаалах салбарын харилцаа, хамтын ажиллагаа улам эрчимтэй хөгжиж байгааг дашрамд дурдъя.

Осака дах ЕКГ

2013.10.14

Сүүлд шинэчлэгдсэн: 2013 оны 10-р сарын 15, Мягмар гариг, 08:47
 
ЭЗХЯ, БХТЯ, НЗДТГ-ын төлөөлөгчид Кобэ хотод ажиллав PDF Хэвлэх И-мэйл
Бичсэн osaka   
2013 оны 10-р сарын 03, Пүрэв гариг, 05:34

Монгол Улсад өрнөж буй бүтээн байгуулалт, шинэ барилга байгууламжинд дэвшилтэт технологийг нэвтрүүлэхэд дэмжлэг үзүүлэх үүднээс суугаа орны шинэ соргог бүхнийг танилцуулах санаачлагыг Осака дахь Монголын Ерөнхий Консулын Газраас гаргасан болно. Эдийн засгийн хөгжлийн яамнаас хэрэгжүүлж эхэлсэн “Гудамж” төслийн ус хангамж, газар доорхи барилга байгууламжинд Японы техник, технологийг нэвтрүүлэх боломжийг судалсан ажлын баг өнгөрсөн өдрүүдэд Кобэ хотноо ажиллаа. “Гудамж” төслийн ерөнхий зохицуулагч, ЭЗХ-ийн сайдын зөвлөх Б.Батболд, Барилга, хот байгуулалтын яамны зураг төсөл, эрдэм шинжилгээний институтын захирал Н.Бат-Эрдэнэ, Нийслэлийн ЗДТГ-ын СБТХ-ийн мэргэжилтэн Д.Анхбат нар Кобэ хотын захиргаанд очиж, тус хотын хурлын гишүүн Такешигэ, Гадаад харилцааны хэлтсийн дарга Мацуда нартай уулзаж Монголд өрнөж буй бүтээн байгуулалтын явцыг танилцууллаа.

Мөн тус хотын ус суваг, усны хангамжийн бүтэц зохион байгуулалт, газар доорхи усны байгууламж, инженерийн шугам сүлжээтэй биечлэн танилцаж, уулын болон голын усыг хэрхэн ундны ус болгон ашиглах болсон технологийг үзэж сонирхов. Улмаар хот төлөвлөлтийн төлөвлөгөө, хурдны замын байгууламжийн талаар Кобэ хотын холбогдох мэргэжилтнүүд тусгайлан мэдээлэл өгч, бэсрэг сургалт хийлээ. Хотын иргэд, шийдвэр гаргагчдын хамтын шийдвэр нь тухайн хотыг хөгжүүлэх төлөвлөгөөний гол түлхүүр болохыг Хот төлөвлөлтийн мэргэшсэн мэргэжилтнүүд хэлж байлаа.


Кобэ хот Монгол улсын хөгжлийг ахиулах, бүтээн байгуулалтанд дэмжлэг үзүүлэх хэрэгт хувь нэмрээ оруулахад бэлэн байгаагаа илэрхийлээд, бодит судалгаа, тодорхой төслүүдийг санал болгох хэрэгтэйг дурдсан юм. Кобэ хот нь 1996 онд газар хөдлөлтийн гамшигт нэрвэгдэж, хожим сэргээн босгох ажлаа амжилттай хэрэгжүүлж, улмаар байгалийн хатуу сургамжийг даван туулах шинэ технологиудыг бүтээн байгуулалтандаа нэвтрүүлж чадсан арвин туршлагатай хот болно. Кобэ хот нь Азийн хөгжиж буй орнуудад өөрийн бий болгосон шинэ технологийг дэлгэрүүлэх ажлыг эрчимтэй хэрэгжүүлж байгаа бөгөөд Улаанбаатар хотод дээрх технологийг нутагшуулах, авч хэрэгжүүлэхэд дэмжлэг үзүүлэхээ илэрхийлж байлаа. Монгол мэргэжилтнүүд хөгжлийн амин сүнс болсон шинэ технологитой танилцах нь бүтээн байгуулалтад хурд нэмэх, мэргэжилтнүүдийн мэдлэг боловсролыг дээшлүүлэхэд чухал ач холбогдолтой юм.


ОСАКА ДАХЬ ЕКГ

2013.09.28

Сүүлд шинэчлэгдсэн: 2013 оны 10-р сарын 15, Мягмар гариг, 08:34
 
Осака мужийн захирагч Ю.Мацүи-тэй уулзав PDF Хэвлэх И-мэйл
Бичсэн osaka   
2013 оны 10-р сарын 02, Лхагва гариг, 08:32

Ерөнхий консул Д.Дэлгэрцогт Осака мужийн захирагч Ю.Мацүи-тэй  уулзав. Уулзалтаар Монгол улс, Кансай бүс нутгийн муж хоорондын хамтын ажиллагааг хөгжүүлж, эдийн засаг, хөрөнгө оруулалтыг нэмэгдүүлэх бодитой ажил хийх, цаашид Осака мужийг Монголын аль нэг аймаг хоттой шууд харилцаа тогтоох асуудлаар санал солилцов.

 

Сүүлд шинэчлэгдсэн: 2016 оны 10-р сарын 25, Мягмар гариг, 02:59
 
“Шиба Рёотаро ба Монгол” үзэсгэлэн ажиллаж байна PDF Хэвлэх И-мэйл
Бичсэн osaka   
2013 оны 9-р сарын 02, Даваа гариг, 08:58

“Японы соён гэгээрүүлэгч, их зохиолч Шиба Рёотарогийн гэр музейд “Шиба Рёотаро ба Монгол” үзэсгэлэн ажиллаж байна. Үзэсгэлэн нь Шиба Рёотарогийн амьдарч, ажиллаж байсан гэрийн дэргэд Осака хотын захиргаанаас барьж өгсөн гоёмсог шилэн танхимд нээгджээ. Архитектор Андо Тадаогийн уран шийдэл бүхий шилэн барилга нь Их зохиолчийн хувийн сууцтай хаяаа нийлж, эргэн тойрон нь үзэсгэлэнт цэцэрлэгт хүрээлэнгээр хүрээлүүлжээ. Үзэсгэлэнгийн танхимыг чиглэх явган хүний жим нь Шиба Рёотарогийн гэрийн хажуугаар өнгөрөх бөгөөд тэндээс Их зохиолч амьд сэрүүндээ зохиол бүтээлээ туурвиж байсан ажлын өрөө нь тодооос тод харагдаж аж. Шиба Рёотарогийн хэрэглэж байсан нүдний шил, сууж байсан буйдан, зохиол бүтээлдээ ашиглаж байсан судалгааны материалууд, ном сэтгүүүл зэрэг эд зүйлс мөнхрөн үлджээ.“Шиба Рёотаро ба Монгол” үзэсгэлэнд зохиолчийн Монгол орноор аялахдаа авсан зураг, Монголын тухай ном зохиолуудын гар бичмэл, Монгол төрийн шагнал Алтан гадас одон, нийтийн хүртээл болж амжаагүй ховор зураг зэргийг дэлгэн тавьжээ. Үзэсгэлэнгийн танхимд 60 гаруй мянган ном, сэтгүүл, түүхэн бичээсүүдийг өрж тавьсан нь яг л номын их өргөө мэт. Шиба Рёотарогийн эдэлж хэрэглэж байсан ном, түүхэн бичээс дотор орчуулагч Б.Төмөрбаатарын “Мэйжи хэмээх төр улс”, “Сүүлчийн Шёогүн”, Б.Жаргалсайханы “Тал нутгийн тэмдэглэл” зэрэг монгол хэлнээ хөрвүүлсэн зохиолууд үзмэрийн хүндэт зочин мэт заларсан байв.“Тал нутгийн тэмдэглэл” өгүүллэгийн гол баатар болох япон хэлний орчуулагч Цэвэгмаа гуайн зураг энэ үзэсгэлэнгийн гол чимэг юм билээ. Үзэсгэлэнг үзэхээр Японы өнцөг булан бүрээс зочид ирдэг бөгөөд ирсэн зочин болгон Монголд очиж үзэх юмсан гэсэн хүсэл тээж гардаг хэмээн гэр музейн захирал Үэмура Ёүко ярьж байв.


Миний бие Шиба Рёотаро гэр музейн захирал, Шиба Рёотаро сангийн тэргүүн Үэмура Ёүко, Музейн орлогч захирал хатагтай Үэмура Мотоко нартай уузан ярилцаж, санал солилцлоо.Тэд Шиба Рёотаро зохиолчийг Монгол улс руу явах болгонд дагалдан явж байсан Их зохиолчтой ойр дотно эрхэмүүд юм. Монголын элсэн говь, тал нутгийн салхи, тэнгэрт гялалзах одод Шиба Рёотарогийн сэтгэлийг эзэмдэж, улмаар энэ орны түүх соёлыг судалж, нүүдэлчдийн соёлын тухай бичиж туурвисаар байсан гэж тэд хуучиллаа.

Кансайд суугаа элэг нэгт ахан дүүс ээ!

Монгол эх орныг минь сэтгэл зүрхэндээ хайрлан тээж, Монголыг, монгол соёлыг, бидний түүхийг он удаан жил цуцалтгүй туурвин бичсээр ирсэн Их зохиолч Шиба Рёотарогийн гэр музейд нээгдсэн “Шиба Рёотаро ба Монгол” үзэсгэлэнг саатан үзээрэй.

Хүндэтгэн ёсолсон Ерөнхий Консул Ч.Куланда


Сүүлд шинэчлэгдсэн: 2013 оны 10-р сарын 03, Пүрэв гариг, 00:57
 
<< Эхлэх < Өмнөх 11 12 13 14 15 16 17 18 19 20 Дараахи > Төгсгөл >>

Хуудас 20-с 11

Холбоос